கொரோனா மட்டும் இல்லை...
பாரதி(தீ) தொட்டால் தொடரும் , உள்ளத்தில் பற்றிக் கொள்ளும் தீ.
அவரோட அக்கினிகுஞ்சு வார்த்தைகள், ஒரேயொரு உள்ளத்து பொந்தில் வைத்தால் போதும், குழந்தைகள் , நண்பர்கள் என்று சுற்றிலும் வெந்து தணிந்து ஒளிரும் வல்லமை பெற்றது.
காதலை சொல்லணுமா?கோபத்தை கொட்டணுமா? குழந்தையை கொஞ்சணுமா? எல்லாவற்றுக்கும் நான் பாரதி வரிகளையே எடுத்துக்கொள்கிறேன்.
அடுத்த தலைமுறைக்கு விதைத்தே ஆகணும் பாரதி(தீ)🔥. நான் விதைத்துவிட்டேன், என் மகளுக்கு...
”பாரதி பாடியிருக்காருல்ல காலை படிப்பு , மாலை விளையாட்டு ” என்று சொல்லியே பழக்குகிறேன்.
அடுத்த அறைக்கு செல்ல பயந்து தயங்கினால், ”அச்சமில்லை அச்சமில்லை ” பாடு பயமே இருக்காது என்பேன். சேர்ந்து பாடுவோம் பயமின்றி அழகாக சென்று வருவாள்.
இரவில் தூங்க வைக்க ”சின்னஞ்சிறு கிளியே”...
கார் பயணத்திலும் , மொட்டை மாடிக்கு போகும்போதும் ”காக்கைச் சிறகினிலே”...நம் தாய் தமிழை நம் பிள்ளை சொல்ல கேட்க ... அதுவும் பாரதி வரிகளை🥰 ஆஹா 😍சொர்க்கம்.....
காற்று, தண்ணீர், உணவு, பாரதியின் வரிகள்.... இன்பமாய்
உயிர் வாழ இவை போதாதா?!
